Exteriur - Premi Nobel da chemia per maschinas molecularas
Il franzos Jean-Pierre Sauvage, il brit James Fraser Stoddart e l'ollandais Bernard Feringa partan il Premi Nobel per lur lavur vid il svilup da maschinas molecularas.
Ils victurs da quest onn hajan bajegià maschinas fitg pitschnas che cuntanschan ina nova dimensiun en la chemia, di la giuria. Els hajan sviluppà moleculs ch'ins sappia controllar e che sajan abels da sliar in pensum sch'els survignan il cumond en furma d'energia. Quest Premi Nobel è dotà cun 830'000 euros ch'ils trais scientists vulan parter.
