Siglir tar il cuntegn

Header

cuntegn

Exteriur Premi Nobel per economia va a dus scienziads americans

Ils dus perscrutaders dals Stadis Unids William D. Nordhaus e Paul M. Romer survegnan quest onn il premi per innovaziuns tecnologicas en connex cun la midada dal clima. Quai ha l'academia roiala svedaisa per scienzas a Stockholm communitgà.

Nordhaus survegn sia distincziun per sia lavur areguard la midada dal clima e Romer per integrar innovaziuns tecnologicas. Lur perscrutaziun saja in'impurtanta contribuziun ad ina meglra chapientscha per ina creschientscha economica persistenta – e quai en connex cun il midament dal clima ed il progress tecnologic.

William D. Nordhaus è professer a la Yale University e Paul M. Romer lavura a la Stern School of Business da l'Universitad da New York.

Il premi ch'è dotà cun 9 milliuns crunas svedaisas (990'000 francs) na sa basà betg sin il testament dad Alfred Nobel. El na vala perquai betg sco classic Premi Nobel. La Banca naziunala svedaisa ha legà il premi il 1968. Surdà vegn il Premi Nobel per economia dentant ensemen cun ils ulteriurs Premis Nobel ils 10 da december.

RR novitads 14:00

Artitgels legids il pli savens