Siglir tar il cuntegn

Exteriur Premi per l'anteriur cusseglier federal Kaspar Villiger

La fundaziun «Friedrich-Naumann» a Frankfurt ha undrà il politicher ed interprendider Villiger cun il premi da libertad per si'ovra da la vita politica.

Kaspar Villiger ha pudì prender encunter il premi da libertad da la fundaziun Friedrich-Naumann.
Legenda: Kaspar Villiger ha pudì prender encunter il premi da libertad da la fundaziun Friedrich-Naumann. Fundaziun Friedrich-Naumann

Villiger pensia a lunga vista. El saja avert e flexibel ed el saja in ami da refurmas, ha ditg il president da la giuria. Villiger è vegnì onurà surtut per dus projects: per avair introducì il frain a l’indebitament e per la refurma dal federalissem.

Der bedeutendste liberale Staatsmann, den die Schweiz in den vergangenen dreissig Jahren hervorgebracht hat.
Autur: Fundaziun Friedrich-Naumann

Villiger ha fatg attent en ses pled d'engraziament a la colliaziun inseparabla tranter morala, libertad e regulaziun. Mintga sistem liberal stoppia pudair purtar in tschert grad d'abus. Sche la basa morala sa destrueschia dentant e sche l'abus surpassia il nivel da supportabilitad, lura sa devasteschia la libertad sasezza, ha Villiger punctuà.

RR novitads 16:00