Siglir tar il cuntegn

Exteriur Premi «Sacharow» per Raef Badawi

Il premi Sacharow dal parlament da l'Uniun europeica va quest onn al blogger Raef Badawi da l'Arabia Saudita. Quest premi vala er sco premi per ils dretgs umans da l’UE.

Dunna che demonstrescha per la libertad da Badawi.
Legenda: Badawi era tranter auter vegnì sentenzià a giaschladas quai aveva chaschuna sin l'entir mund reacziuns. Keystone

Il parlament cun ses president Martin Schulz ha undrà l'engaschi curaschus da Badawi che ha 31 onns. Quai cunzunt per ses grond engaschi per la libertad dal maini e per toleranza. Quai ha il parlament a Strassbourg annunzià.

Plinavant ha il parlament da l’UE appellà al retg da l'Arabia Saudita da laschar liber Badawi. Dapi il 2012 è el en praschun pervia d'in blogg critic envers la regenza da l’Arabia Saudita e la famiglia roiala da l’Arabia Saudita, e pervi ch'el haja offendì l'islam. El è vegnì sentenzià a 10 onns praschun e 100 giaschladas.

RR novitads 14:00