En uffizi restan vinavant il minister da l'exteriur Philip Hammond, la ministra da l'intern Theresa May, il minister da finanzas George Osborne ed il minister da defensiun Michael Fallon.
David Cameron ha plinavant annunzià da realisar sco empermess il referendum davart ina sortida da l'UE e da lavurar vi da l'unitad da la Gronda Britannia.
Appel da sa tegnair vi da las reglas da l’UE
Entant ha il president franzos François Hollande appellà al primminister britannic David Cameron da sa tegnair vi da las reglas da l'Uniun europeica. Tar in discurs al telefon suenter la victoria da Cameron, haja Hollande regurdà el ch'i dettia reglas aifer l'Europa e tar quellas tutgia era ch'ins coordineschia las chaussas.
Sco quai che Hollande ha ditg, haja el offert sia collavuraziun per sclerir la plazza da la Gronda Britannia aifer l'UE.
RR novitads 10:00