Sco spetgà sajan ils ultims detagls vegnids discussiunads e reglads. Il schef da la ÖVP, Sebastian Kurz, ed il schef dals Verds, Werner Kogler, duain anc questa saira preschentar emprims detagls da lur cunvegna, communitgescha la televisiun ORF. La gievgia duai il program da regenza sco er la glista da ministers vegnir publitgada.
La cunvegna da coaliziun sto anc vegnir approvada dal congress dals Verds la sonda proxima. I fiss l'emprima giada ch'i dess en l'Austria ina coliaziun nair-verda, u sco ella vegn numnada en l'Austria - turchis-verda.
A las elecziuns parlamentaras la fin da settember era la ÖVP cun 37,5% da las vuschs ed ils Verds cun 13,9% ils gronds victurs. Il schef da l'ÖVP Sebastian Kurz gughegia uss ina midada da direcziun, suenter in onn e mez regenza cun ina coaliziun cun la FPÖ ch'è vegnida crititgada en l'exteriur.
RTR novitads 22:00