Cun quai è il president Isaias Afwerki sa revanschà per la visita dal president da l'Etiopia. L'emna passada era quel stà sin visita en Eritrea, per suttascriver ina cunvegna da pasch tranter ils dus pajais.
La fin dals onns 90 avevi dà ina guerra tranter ils dus vischins. Quai pervi d’ina dispita da cunfin. Dieschmillis da persunas eran vegnidas mazzadas durant questa guerra. L’entschatta da zercladur aveva la nova regenza da l’Etiopia annunzià da vulair terminar la dispita da cunfin cun l’Eritrea.
RR novitads 14:00