En in pled a la naziun ha il president appellà a la populaziun da restar ruassaivla. Ed ils protests da las davosas emnas cunter el stoppian chalar immediat. Però prevesa il president vinavant da candidar per ina terza perioda d'uffizi. Anc betg cler è sche Nkurunziza sa tegn vid il termin d'elecziun ils 26 da zercladur malgrà ils appels internaziunals.
Ruassaivel en chapitala Bujumbura
La situaziun en il pajais ost african è sa calmada. En la chapitala Bujumbura èsi stà ruassaivel, sulet singulas stizuns e bancas han gì avert. Sin las vias patruglieschan schuldads.
Entant n'è il manader da l'emprova d'in putsch para betg en fermanza. In pledader dal president Nkurunziza ha revocà in'infurmaziun da pli baud.
RR novitads 6:00/18:00