Ils demonstrants pretendan midadas profundas en Rumenia. Tenor il president Iohannis saja quai dentant mo communablamain pussaivel.
Demonstraziuns cunter corrupziun suenter brischament
Dapi il brischament d’ina disco a Bucarest avant dapli ch’in emna èn millis Rumens sin via per demonstrar cunter corrupziun e situaziuns insupportablas en la regenza.
Tar il brischament eran almain 45 persunas mortas. Er Iohannis aveva crititgà l’incumpetenza da las autoritads suenter il brischament. Latiers aveva el pretendì ina fin da la corrupziun.
La mesemna passada aveva il primminister Victor Ponta demissiunà suenter las protestas da massa.
RR novitads 06:00