En Tirchia vegn elegì in nov president. Persunas cun dretg d'eleger en l'exteriur pon davent dad oz dar la vusch per l'elecziun decisiva, uschia era en la Svizra. En l'ambassada tirca a Berna sco era a Turitg ed a Genevra pon las radund 106'000 persunas dar giu lur vuschs.
En l'emprim scrutini avevan ellas per gronda part elegì il candidat da l'opposiziun Kemal Kilicdaroglu. En tut ha dentant il president en uffizi Recep Tayip Erdogan survegnì las bleras vuschs cun manchentar fitg stretg il pli absolut. L'elecziun decisiva cuzza enfin ils 28 da matg.