Maduro saja però mitschà senza blessuras da l'attatga che saja vegnida fatga cun dronas. Maletgs da la televisiun mussan schuldads ed aspectaturs ch'èn currids davent en panica avant che l'emissiun è vegnida interrutta. Ordavant eri stà d'udir ina explosiun. Il president aveva interrut a moda abrupta ses pled avant millis da schulads.
Maduro inculpescha la Columbia
Er ad ulteriurs commembers da la regenza na saja capità nagut. Set schuldads da la garda naziunala sajan però vegnids blessads tar la detunaziun.
En ina emprima reacziun ha Maduro inculpà tscherts circuls da la Columbia per l'attentat. Er il president partent Juan Manuel Santos portia la responsabladad. I saja stà in'attatga per mazzar el, uschia Maduro envers la televisiun statala.
RR novitads 06:00