Siglir tar il cuntegn

Header

cuntegn

Exteriur Pretschs d’ieli creschan probabel pir l’onn che vegn

Il grond quantum d’ieli il mument è in dals motivs daco ch’il pretsch d’ieli è il mument bass e na vegn betg a crescher marcant uschè svelt, quai tenor stimaziuns da l’Agentura internaziunala d’energia.

En tut vegn la producziun dad ieli globalmain a crescher tranter ils onns 2015 e 2021 per 4,1 milliun barrel per di a crescher. Quai surtut pervi da la producziun augmentada en l’Iran ed en ils Stadis Unids da l’America. En cumpergliaziun cun ils onns 2009 e 2015 là era la producziun d’ieli creschida per 11 milliuns barrels a di. (1 barrel ieli = 159 liters)

Pretsch sa reduci a partir dal 2014 per radund 70%

Dapi mez dal 2014 è il pretsch per l'ieli sa reducì per radund 70% e munta il mument per in barrel ieli 40 dollars. Quai er pervi che l’Arabia Saudita e ils Stadis Unids han augmentà la producziun. La Russia ed l’Arabia Saudita, ils dus pli gronds explotaders d’ieli dal mund, han annunzià l’emna passada da reducir la furniziun d’ieli. Perquai ch’ils ulteriurs pajais furniturs d’ieli n’èn betg pronts da reducir la furniziun, l’Agentura internaziunala d’energia ch’il pretsch d’ieli resta bass.

Pir en 5 onns creschan ils pretschs ma lura marcant

A media vista prognostitgescha l’Agentura però in augment drastic dal pretsch d’ieli. La raschun saja ch'i na vegnia betg pli investì en la tecnica d'explotar ieli. Cunzunt en ils Stadis Unids vegnia la producziun a sa reducir en consequenza da las investiziuns che sa reduceschian.

RR novitads 18:00

Artitgels legids il pli savens