Ina raschun per la schletta situaziun finanziala saja ch’ins haja stuì prender a fit blers aviuns perquai che novas maschinas na sajan betg vegnidas furnidas.
La societad aviatica da l'Islanda ha sia sedia a Copenhagen en il Danemarc ed è vegnida fundada il 2003.
Tenor atgnas indicaziuns transportava ella passa 1 milliun passagiers per onn. Sco ultim aveva ella en funcziun nov eroplans ed ha offrì viadis en 97 destinaziuns en passa 20 pajais.
Avant in onn han capitulà la societad aviatica britannica Monarch Airlines sco er la societad tudestga Air Berlin. Er la Alitalia ha difficultads ed è actualmain sut in'administraziun extraordinaria suenter ch'il persunal ha refusà l'ultim plan da salvar la societad aviatica.
RR novitads 06:00