La regenza saja fitg commovida da la mort da la princessa Marie, ha ella communitgà. Durant la malencurada naziunala vegnan tut las bandieras dals edifizis publics mess ora en las colurs dal pajais. Plinavant vegnan tut las bandieras messas a mesa asta.
La dinastia na veglia dentant betg, che tut las festivitads e occurrenzas vegnian annulladas. Ellas duain però vegnir manadas tras cun discreziun ed il respect necessari. Era cun minutas da silenzi vul il Principadi da Liechtenstein commemorar a la princessa.
La princessa Marie da Liechtenstein è morta la sonda cun 81 onns. La dunna dal prinzi Hans-Adam II aveva gì in culp la mesemna passada. Ella sa mussava be anc darar publicamain. Ed era ses um è sa retratg da las fatschentas dal stadi. Gia il 2004 aveva il prinzi Hans-Adam II surdà l’uffizi guvernativ a ses figl il pli vegl e successur al tron – prinzi ereditar Alois.
