Siglir tar il cuntegn

Header

cuntegn

Principadi da Liechtenstein Situaziun da pat suenter elecziuns

Il Principadi da Liechtenstein ha oz gì d'eleger in nov parlament per ils proxims quatter onns. Las duas grondas partidas han survegnì bunamain tuttina bleras vuschs. L’uniun patriotica ha tenor ils resultats uffizials 23 vuschs dapli che la partida burgais democratica. En total èn 16’000 persunas idas a l’urna. Omaduas partidas han survegnì bun in terz da las vuschs. La participaziun era tar 78%.

Las duas partidas ston ussa furmar la regenza che sa cumpona da 5 persunas. Perquai n'èsi uss anc betg cler sche Liechtenstein survegn per l'emprima giada ina scheffa u betg:

Per la Partida da burgais progressiva ha per l'emprima giada ina dunna candidà, Sabine Monauni. Fin ussa eran adina be umens a la testa dal pajais. Monauni ha 46 onns ed è diplomata en l’Uniun europeica a Brüssel.

La partida Vaterländische Union ha nominà Daniel Risch sco schef da regenza. El è informaticher d'economia ed era fin uss minister per infrastructura, economia e sport.

Ord l'archiv

Prinzi Hans Adam II – il prinzi dal Principadi da Liechtenstein.

audio
Prinzi Hans Adam II
ord Il chavazzin dal di dals 23.01.2019. Maletg: Keystone
laschar ir. Durada: 3 minutas 44 Secundas.

RTR novitads 20:00

Artitgels legids il pli savens