A las 13:00 ha cumenzà la ceremonia nupziala. Silsuenter è il pèr sa mussà en ina charrotscha en il parc dal chastè da Windsor.
Per ils fans èsi stà per part in viadi stentus perquai ch'il traffic da viafier da Londra a Windsor è impedì da plirs plazzals . Pli che 100'000 aspectaturas e aspectaturs da l'entir mund han persequità la nozza a Londra e passa ina milliarda sin l'entir mund a la televisiun.
Tranter ils giasts èn dasper la prominenza or da las chasas roialas da l'Europa er divers ulteriurs prominents sco George Cloony e sia dunna Amal u er l'icona da ballape David Backham ed ils musicists Elton John e James Blunt.
Per sonda saira ha il bab da Harry, prinzi Charles, organisà ina gronda festa per ils spusads ed ils giasts envidads.
RR novitads 12:00 +
