Siglir tar il cuntegn
Inhalt

Exteriur Probabel evità attentat ad Antwerpen

In di suenter l'attatga da terror a Londra è la citad d’Antwerpen en la Belgia probablamain mitschada per pauc d'in attentat. Sco la procura publica ha communitgà eran plirs peduns en privel.

Policists tar la staziun principala d'Antwerpen.
Legenda: La polizia ha para pudì evitar ina attatga en il center da la citad. Reuters

La gievgia suentermezdi han policists en la citad d’Antwerpen pudì bloccar in auto che charrava cun auta spertadad entamez la citad. Sco la procura publica scriva saja l’auto vegni franà d’ina speziala truppa da la polizia.

L’um era conuschents a la polizia

L’um ch’è vegni arrestà ha tenor las primas indicaziuns da la polizia 39 onns ed è da la Frantscha. El ha ragischs da l’Africa dal Nord. En l’auto aveva l’um para plirs cuntels ed ina buis. Era ha la polizia chattà in canister cun liquid betg identifitgà. L’um arrestà era gia conuschents a la polizia pervi dal possess d’armas illegalas. En la Belgia vala il mument l’avertiment il segund aut d’ina attatga da terror.

RR novitads 16:00