Siglir tar il cuntegn

Header

cuntegn

Problems cun airbag Toyota e Honda cloman enavos autos

Il constructur d’autos giapunais Toyota cloma enavos sin l'entir mund 3,4 milliuns autos pervi d'ina pussaivla disfuncziun da l'electronica a bord. I pudess capitar che l'airbag na s'avra betg, ha ditg ina pledadra da Tovota. 2,9 milliuns autos dals models Corolla ed Avalon pertutgan l'America dal Sid, l'America Centrala e l'America dal Nord. L'Europa ed il Giapun na sajan betg pertutgads. Ils vehichels sajan probabel equipads cun in indriz da regulaziun (ECU) che retschaiva signals da sensurs da crash ed activeschia airbags.

Er il concurrent Honda sto clamar enavos 2,7 milliuns autos pervi da problems cun l’airbag. Qua sa tractia cunzunt da models pli vegls en ils Stadis Unids ed il Canada.

video
Or da l'archiv: Gia il 2012 aveva Toyota clamà enavos autos
Or da Tagesschau dals 14.11.2012.
laschar ir. Durada: 54 Secundas.

RTR novitads 06:00

Artitgels legids il pli savens