Siglir tar il cuntegn
Inhalt

Exteriur Process dals assassins da Khashoggi è en l'Arabia Saudita

L'Arabia Saudita na vul betg extrader ils 18 suspectads en il cas Khashoggi. Quai perquai che las investigaziuns vegnian fatgas en l'Arabia Saudita, ha ditg il minister da l'exteriur a Manama, la chapitala da Bahrain. Ier aveva la Tirchia pretendì l'extradiziun dals 18 suspectads.

prinzi ereditar da l'Arabia Saudita Mohammed bin Salman.
Legenda: Il prinzi ereditar da l'Arabia Saudita Mohammed bin Salman duai avair dà il cumond per mazzar il schurnalist Khashoggi. Keystone

Las relaziuns tranter ils Stadis Unids e l'Arabia Saudita sajan indestruiblas, ha ditg il minister. Enturn la mort da Khashoggi, in schurnalist critic envers la regenza saja sa sviluppada ina «isteria da medias». El è vegnì assassinà l'entschatta october en il consulat saudiarab ad Istanbul. I vegn suspectà ch'il prinzi ereditar Mohammed bin Salman haja cumandà da mazzar Khashoggi.

L'Arabia Saudita aveva admess pir suenter squitsch internaziunal ch'il schurnalist Khashoggi è mort l'entschatta d'october en il consulat en la Tirchia.

RR novitads 14:00