Siglir tar il cuntegn

Exteriur Procura publica vul paina da mort

3 mais suenter l'amoc a Charleston en ils Stadis Unids pretenda la procura publica la paina da mort per l'attentader. Tenor la procuratura publica responsabla sa tractia d'in crim ultimativ che pretendia la paina da mort.

L'advocata Scarlett Wilson.
Legenda: Ils 3 da settember ha l'advocata Scarlett Wilson (sen.) annunzià l'intenziun da sentenziar il delinquent a la mort. Keystone

Il zercladur aveva in um alv da 21 onns sajettà giu 9 afroamericans en ina baselgia a South Carolina. Quai probabel ord motivs rassistics. L’um aveva confessà il crim.

En consequenza aveva il president dals Stadis Unids Barack Obama crititgà la discriminaziun da la populaziun afroamericana e la violenza tras armas.

RR novitads 06:00