Siglir tar il cuntegn

Header

cuntegn

Exteriur Program da conjunctura per mitigar conseqeunzas dal 'Brexit'

Per tema da consequenzas negativas dal Brexit quinta il minister da finanzas britannic Philip Hammond da pinar in program per sustegnair la conjunctura.

L'atmosfera en l'economia da la Gronda Britannia saja sa pegiurada massivamain, ha ditg il minister da finanzas britannic Philip Hammond. Quai mussia la dimensiun da la malsegirezza. E questa malsegirezza vegnia a cuntinuar fin che las tractativas cun l'Uniun europeica davart l'extrada sajan a fin. En quest connex vul la regenza britannica preschentar l'atun mesiras fiscalas.

Era G20 vesa economia malsegira, per lur stadis

Il gea al 'Brexit' haja procurà per malsegirezza aifer ils stadis europeics, uschia ch'i dovria refurmas. Mesiras supplementaras cun agid da novs daivets na saja però betg la schliaziun. Da quest avis èn ils ministers da finanza ed ils schefs da las bancas naziunalas dals stadis G20 suenter lur inscunter en la citad chinaisa Chengdu.

Las refurmas duain purtar ina pli ferma creschientscha sin basa duraivla. Directivas decididas duain gidar ils singuls pajais da far las refurmas da structura las pli effizientas per els.

RR novitads 16:00

Artitgels legids il pli savens