Siglir tar il cuntegn

Header

cuntegn

Exteriur Progress en cumbat cunter «Stadi islamic»

L’organisaziun terroristica è en la defensiva. Tant en l’Irac sco er en la Siria perd'ell'adina dapli terren. Da quest avis èn ils Stadis Unids.

Dapi che l’uschenumnà «Stadi islamic» ha conquistà la citad da Ramadi en l’Irac ha, na sajan naginas ulteriuras citads u regiuns vegnidas vitiers. Uschia valiteschan almain ils Stadis Unids da l’America la situaziun actuala.

La raschun per quest svilup sajan meglra armaziun da las forzas da segirezza localas ed ina exploraziun pli detagliada, ha ditg il represchentant spezial dals Stadis Unids per il cumbat cunter il Stadi islamic, Brett McGurk ad in inscunter en la chapitala da la Jordania.

Però controlleschan ils terrorists vinavant las citads da Mossul en l’Irac e Rakka en la Siria ch’èn omaduas d’impurtanza strategica. L’allianza internaziunala sut il commando dals Stadis Unids veglia perquai intensivar lur attatgas sin questas duas citads.

RR novitads 06:00

Artitgels legids il pli savens