Las persunas che fugian en Grezia duain vegnir salvadas, lura dentant vegnir tramessas enavos en la Tirchia. Uschia citescha la gasetta Österreich il chancelier sin sia pagina d'internet. Uschia na fiss la Frontex betg mo pli in program da salvament, mabain vairamain in program per proteger ils cunfins.
La Tirchia stoppia dentant er vulair questa varianta, uschia Faymann. Cas cuntrari stoppian ils cunfins a l’interiur da l'UE puspè vegnir segirads.
RR novitads 08:00