Siglir tar il cuntegn

Header

cuntegn

Protecziun da la natira WWF appellescha als pajais da far dapli per la natira

L'organisaziun per l'ambient WWF, appellescha als pajais sin l'entir mund da far dapli per la protecziun da la biodiversitad. La raschun per questa pretensiun è la conferenza mundiala per la protecziun da la natira che cumenza l'autra emna en la citad chianisa Kunming. In represchentant dal WWF, Florian Titze, ha ditg envers l'agentura da pressa tudestga, che sistems ecologics e la biodiversitad, sajan relevants per il sistem. Els sajan la basa per noss bainstar, noss nutriment e nossa sanadad. A la conferenza duai vegnir sa cusseglià davart ina cunvegna internaziunala, sumegliant a la cunvegna dal clima da Paris.

La conferenza dueva gia avair lieu l'october 2020, ha dentant stuì vegnir spustada pervia da la pandemia. Il schaner suondan discurs en Svizra e tranter ils 25 d'avrigl ed ils 8 da matg puspè ina conferenza a Kunming.

audio
Per tadlar: Las novitads da las 14:00
02:49 min, RTR Audio dals 10.10.2021.
laschar ir. Durada: 02:49 minutas.

RTR novitads 11:00

Artitgels legids il pli savens

Scrollar a sanestra Scrollar a dretga