Legenda:
Tranter 200'000 e 500'000 persunas han fatg part a la demonstraziun cunter la presidenta.
Keystone
cuntegn
Exteriur - Protestas da massa cunter Park Geun Hye
En la Corea dal Sid han dieschmillis persunas demonstrà cunter la presidenta Park Geun Hye. I è stà ina da las pli grondas demonstraziuns dals davos decennis.
La presidenta Park è gia dapi emnas sut pressiun. I va per in’ affera da corrupziun. La scheffa da stadi conservativa duai avair lubì ad ina amia d'intervegnir en fatschentas da la regenza.
25'000 policists han surveglià la demonstraziun. La polizia discurra da radund 190'000 demonstrants, ils organisaturs da 500'000. Gia avant in’emna avevan dieschmillis persunas demonstrà cunter la presidenta.
