Siglir tar il cuntegn

Header

Navigaziun

Duas persunas chinaisas e blers microfons.
Legenda: Ils uffizials chinais han exprimì lur sustegn per la regenza da Carrie Lam e per la polizia. Reuters
cuntegn

Protests a Hongkong La China discurra da schabetgs sgarschaivels

Igl è l’emprima giada ch’il pajais s’exprima uffizialmain davart la situaziun tendida en la metropola da finanzas.

La China condemna fermamain las confruntaziuns tranter demonstrants e la polizia a Hongkong. L’urden public, l’economia e la vita da la glieud en la citad hajan patì fitg dals schabetgs sgarschaivels, ha ditg in pledader dal biro per ils affars che pertutgan Hongkong e Macau.

A Hongkong datti dapi emnas adina puspè demonstraziuns cun tschientmillis participants. La fin d’emna hai puspè dà randals. La polizia ha duvrà gas lacrimogen cunter demonstrants ch’avevan erigì barricadas en plirs lieus. Tenor critichers è la polizia stada uschè agressiva sco anc mai envers ils demonstrants.

La glieud da Hongkong che va sin via protesta cunter ina lescha che lubiss a la regenza da Hongkong, d'extrader persunas inculpadas a la China.

RR novitads 11:00