Siglir tar il cuntegn

Header

video
Protests cunter la Regenza en la Serbia
Or da Tagesschau dals 08.07.2020.
laschar ir
cuntegn

Protests en Serbia Cravals pervi da restricziuns da corona

En la chapitala serba Belgrad hai danovamain dà protests ed excess, suenter che las autoritads han annunzià restricziuns pli severas pervi dal coronavirus. Ils tumults hai dà malgrà ch'il president da la Serbia Aleksandar Vucic ha prendì enavos il scumond da sortida ch'el aveva annunzià il mardi.

Avant il bajetg dal parlament han intgins demonstrants bittà crappa ed objects ardents sin policists. La polizia ha reagì cun gas lacrimogen ed er policits a chaval èn stads en funcziun. Tenor il minister da l'intern sajan 10 policists blessads.

Durant il temp dal stadi d'urgenza da mez mars enfin l'entschatta matg aveva la regenza cumbattì la derasaziun dal coronavirus cun scumonds da sortir fitg severs. Ils dumbers d'infecziun eran sin quai ids enavos fermamain. Dapi var duas emnas datti dentant mintgadi puspè enturn 300 novs cas d'infecziun.

RTR novitads 06:00

Artitgels legids il pli savens

Scrollar a sanestra Scrollar a dretga