Siglir tar il cuntegn

Exteriur Protests suenter sajettim a Lousianna

En ils Stadis Unids da l'America ha la polizia danovamain mazzà in um afroamerican.

Protestants.
Legenda: Fin uss èn ils protests a Baton Rouge paschaivels. Reuters

La polizia haja sajettà sin l'um avant ina butia a Baton Rouge en il stadi federal da Louisiana. L'um haja purtà in'arma. Quai rapportan las agenturas da novitads.

Tenor l'advocat da la famiglia da l'unfrenda, haja l'um però be vendì discs cumpacts davant la butia. Cas sumegliants han ils onns passads provocà gronda critica en ils Stadis Unids.

Demonstraziuns fin uss paschaivlas

Suenter il mazzament da l'um han numerusas persunas demonstrà avant la butian Las autoritads localas han appellà als demonstrants da restar calm e da protestar a moda paschaivla. Ils onns passads eran protestas cunter la violenza da la polizia americana savens escaldas.

RR novitads 06:00