Siglir tar il cuntegn

Exteriur Proxima runda en dispita tranter Pajais Bass e Tirchia

Entant ha il substitut dal primminister tirc declerà ch’il spazi aviatic tirc saja serrà per diplomats dals Pajais Bass. Ils discurs diplomatics restan interruts.

L'ambassadur uffizal dals Pajais Bass che na sa chatta il mument betg en Tirchia na dastgia uschia betg pli turnar enavos.

Ordavant aveva gia il president Recep Tayyip Erdogan declerà ch'el giaja avant il Tribunal europeic dals dretgs umans. Quel duaja alura decider sancziuns cunter ils Pajais Bass, aveva pretendi Erdogan.

La dispita aveva cumenzà la sonda cura che la regenza a Den Haag ha refusà al minister da l'exteriur tirc d'entrar en il pajais.

RR novitads 06:00