La giustia spagnola desista sin l'extradiziun da l'anteriur primminister da la Catalugna, Carles Puigdemont. Il derschader da retschertga a la dretgira suprema a Madrid ha retratg il scumond d'arrest europeic, uschia ha communitgà la dretgira.
Puigdemont era fugì l'atun passà l'emprim en la Belgia. Pli tard è el vegnì arrestà en la Germania. L'emna passada aveva ina dretgira tudestga decis che Puigdemont possia vegnir extradì a la Spagna, però be pervi da la renfatscha da fraud e betg pervia da rebelliun. Avant paucs dis ha el fundà ensemen cun il nov primminister catalan in nov moviment separatistic.
