Il nov moviment duaja rinforzar las stentas da la Catalugna da daventar independenta da la Spagna. En in act festiv a Barcelona è in manifest correspundent vegnì prelegì. Carles Puigdemont, che sa chatta en l'exil en Germania, è sa participà via conferenza da video.
Il pievel è adina stà fidaivel al mandat (dal referendum), malgrà tut las difficultads n'ha el betg cedì. Nus stuain cumbatter vinavant e sa dustar cunter la repressiun malgista e sa mover enavant en direcziun d'ina republica catalana.
Carles Puigdemont è il mument en Germania. L'atun era el fugì en l'exteriur perquai ch'el ha laschà votar la Catalugna davart l'independenza da la Spagna, quai ch'è stà illegal. La regenza centrala a Madrid ha lura relaschà Puigdemont. Malgrà tut quai han ils separatists dentant tuttina puspè survegnì la maioritad en il parlament tar las elecziuns novas il december 2017.
RR novitads 06:00