Siglir tar il cuntegn

Header

cuntegn

Exteriur Puigdemont vegn en Svizra

Carles Puigdemont, l'anteriur schef da regenza da la Catalugna, vegn la dumengia en Svizra per sa preschentar al public. L'Uffizi federal per affars exteriurs scriva ch'ins haja prendì enconuschientscha che Puigdemont haja dà suatientscha a l'invit dal festival da film internaziunal a Genevra.

Il politicher catalan sa participescha al festival da film dals dretgs umans a Genevra ad ina debatta. La discussiuna tractia l'autodeterminaziun.

Puigdemont possia sa muventar libramain en l'entir spazi da Schengen ed er tegnair pleds politics uschè ditg ch'el sa tegnia vi da las leschas, scriva il departament federal.

Puigdemont che vegn persequità da la giustia spagnola e ch'è fugì en la Belgia perquai ch'el ha organisà en la Catalugna il referendum davart l'independenza, ha accentuà envers il radio e la televisiun da la Svizra franzosa, RTS, ch'el na'haj betg en mira l'independenza da la Catalugna. Sche la regiun enturn Barcelona pudessia vegnir enavos dal tuttafatg sin sias resursas na duvrassia quai nagin stadi nov, uschia Puigdemont. Sche la Spagna fissia organisada sco la Svizra na dess quai nagin problem.

RR novitads 21:00

Artitgels legids il pli savens