Pulver da latg da pops contaminà cun salmonellas

Il scandal davart la pulvra da latg per pops s'extenda pli e pli. La pulvra che deriva da la Frantscha è contaminada cun salmonellas. Pertutgads sajan 83 pajais en l'entir mund, uschia il concern da latgaria franzos Lactalis.

Mumma dat il gutter ad in pop. Bild in Lightbox öffnen.

Legenda da maletgs: Il latg da pops dal concern Lactalis è contaminà cun salmonellas. Pixabay

En l'entir mund vegnian pli che 12 milliuns stgatlas clamadas enavos. Tozzels d'uffants sajan gia vegnids malsauns. Lactalis è in dals pli gronds concerns da latgaria dal mund.

Sursiglir cuntegn supplementar

Salmonellas

Salmonellas pon chaschunar malsognas dal tract digestiv sco diarrea. Savens s'infecteschan persunas sur la maglia.

Il schef dal concern Lactalis, Emmanuel Besnier, a empermess d'indemnisar las famiglias pertutgadas. Las consequenzas per ils consuments, tranter auter pops sut sis mais, fetschian quitads ad el.

Gia il december 2017 aveva il concern da latgaria stuì clamar enavos tonnas da pulvra da latg da pops pervia da privel da salmonellas. Quai suenter che pli che 30 pops eran vegnids malsauns. En il fratemp hai era dà in cas en la Spagna. In cas en la Grezia vegn anc intercurì.

RR novitads 10:00