Siglir tar il cuntegn

Header

video
Bleras regiuns tudestgas èn confruntadas cun ils protests dals purs
Or da Tagesschau dals 08.01.2024.
laschar ir. Durada: 1 minuta 54 Secundas.
cuntegn

Puras e purs tudestgs Chauma cunter plans da spargnar

En la Germania demonstreschan dapi glindesdi numerus purs cunter ils plans da spargnar da la regenza tudestga. La federaziun purila tudestga ha clamà ad in’emna d’acziun.

La bun’ura dal glindesdi han ils purs tranter auter bloccà plirs access ad autostradas, en il Mecklenburg-Vorpommern. Disturbis da traffic en blers lieus annunzia la polizia da la Baviera, perquai che sulettamain in vial da vias eran libras u pervi da bloccadas dad access ad autostradas.

Sustegn han ils purs survegnì da spediziuns che protesteschan cunter l’augment da las taxas da vias per camiuns. Ed al Brandenburger Tor a Berlin èn sa radunads protestaders cun radund 200 tractors e camiuns.

Quai disturba ils purs

La regenza tudestga vul scursanir subvenziuns, e che puras e purs pajan en l'avegnir taglia sin vehichels agriculs. Era sche la regenza ha entant retratg ina part da lur plans da spargn, na tanscha quai betg a la federaziun purila. La regenza tudestga da sia vart crititgescha las bloccadas, quai chaschunia en emprima lingia per gritta e nunchapientscha tar bleras persunas. Uschia è s’exprimida la ministra da l’intern Nancy Faeser envers la gasetta «Rheinische Post».

RTR novitads 12:00

Artitgels legids il pli savens