Curt suenter ch'el aveva purtà la flomma olimpica è il renumà chirurg brasilian Ivo Pitanguy mort cun 93 onns. Tenor il portal «O Globo» haja el gì in'attatga dal cor.
Il venderdi saira aveva el purtà la flomma olimpica en ina sutga cun rodas. Ivo Pitanguy era in dals pli enconuschents chirurgs dal pajais. El era commember da las academias brasilianas per medischina e scienza ed autur da plirs tschients cudeschs.
«La Brasilia perda in da ses pli renumads scienziads ed intellectuals» ha ditg il president intermediar, Michel Temer.
