Las unfrendas èn per gronda part uffants sut 5 onns. Era il dumber da las infecziuns creschia. L’onn passà haja dà var 10 milliuns cas da virustgel, scriva la WHO. Spezialmain critica saja la situaziun en il Kongo-Kinshasa. Ina raschun per quest svilup è – tenor la WHO – ch'i vegnia vaccinà memia pauc.
Dapli cas da virustgel era en Svizra
Era en pajais europeicas, ch’i na deva betg pli il virustgel, sa derasia la malsogna puspè. La Svizra haja registrà quest onn fin l’entschatta d’october bundant 210 cas da virustgel – scriva l’Uffizi federal da sanadad. Quai èn 6 giadas uschè blers ch’il medem temp da l’onn avant.
RTR novitads 21:00