Ils trens tranter la Frantscha e la Gronda Britannia curseschan entant puspè zic a zic. Quai suenter che var 100 fugitivs eran entrads la damaun en l'Eurotunnel ed avevan bloccà quel.
Sco quai ch'il servetsch da passagiers communitgescha, vegnia la vart franzosa puspè averta. Quant ditg ch'i duria però fin ch'il traffic curseschia puspè normal na saja betg cler.
Dapi il zercladur èn gia 13 fugitivs morts tar l'emprova d'arrivar tras il tunnel en la Gronda Britannia. A Calais da la vart franzosa dal tunnel èn il mument bloccads passa 3’000 fugitivs.
