Siglir tar il cuntegn

Exteriur Putsch militar a Burkina Faso

En il stadi vest-african Burkina Faso ha il militar surpiglià la pussanza. Il president e la regenza sajan mess giu, ha ditg in responsabel da la garda dal president a la televisiun statala.

Um cun bandiera dal pajais enturn il corp.
Legenda: Ils 11 d'october avessi da dar elecziuns novas a Burkina Faso Reuters

La mesemna avevan commembers da la garda dal president attatgà il parlament e prendì ostagis. Sinaquai aveva il secretari general da las Naziuns Unidas appellà da laschar liber ils commembers da la regenza.

Ils 11 d'october avessi da dar elecziuns novas a Burkina Faso. La garda dal president vala sco loiala envers il president cupitgà Blaise Compaoré. L'october passà aveva quel stuì dar si ses post, suenter ch'el era stà 27 onns a la testa.

RR novitads 12:00