Exteriur - Quai datti oramai – unfrendas civilas en il cumbat cunter SI
Senza unfrendas civilas na vai betg da cumbatter la milissa da terror Stadi islamic di Jim Mattis, il minister da defaisa american, en in'intervista cun l'emettur da televisiun american CBS.
Ils Stadis Unids fetschian tut il pussaivel e ristgian bler per proteger ils civilists durant quest cumbat, ha sincerà il minister da defaisa american Jim Mattis en l’intervista. Quai stoppia dentant succeder en relaziun cun ils basegns militars.
Ils Americans mainan dapi il 2014 ina coaliziun militara internaziunala cunter il Stadi islamic en la Siria ed en l'Irac.
