Siglir tar il cuntegn

Header

Navigaziun

Kim Jong Un e sia dunna.
Legenda: Kim Jong Un e sia dunna. Keystone
cuntegn

Exteriur Quart inscunter da Kim e Xi

Il potentat da la Corea dal Nord Kim Jong Un è per plirs dis sin visita en la China. El saja arrivà sin invit dal president chinais Xi Jinping e stettia fin gievgia, rapportan las medias statalas dad omadus pajais.

L'onn passà eran Kim e Xi gia s'inscuntrads trais giadas. Uss è quai il quart inscunter dals dus politichers. La China è il pli impurtant partenari diplomatic ed economic da la Corea dal Nord, il pajais ch'è uschiglio isolà internaziunalmain.

L'inscunter succedia en vista a las tractativas stagnantas tranter la Corea dal Nord ed ils Stadis Unids davart la discharmaziun atomara, scriva la SDA.

Kim Jong Un festivescha natalizi

Il potentat nordcorean festivescha oz, ils 8 da schaner, ses natalizi. I vegn supponì ch'el vegn 35. Ses onn da naschientscha n'è però betg enconuschent. Ils dis da natalizi dals anteriurs potentats da la Corea dal Nord – ses bab e tat – vegnan mintgamai festivads en il pajais. Tar il potentat giuven è quai auter.

RR novitads 06:00