Siglir tar il cuntegn

Header

il president tirc Erdogan ed il president american Obama ad in inscunter il december a Paris.
Legenda: Questa jada betg - il president tirc Erdogan ed il president american Obama ad in inscunter il december a Paris. Keystone
cuntegn

Exteriur Questa giada betg - Obama n'ha nagin temp per Erdogan

Il president tirc visita quest’emna ils Stadis Unids. In inscunter cun il president american Barack Obama na vegni betg a dar. Obama n’haja betg temp è la raschun uffiziala.

Tenor experts n'è quai però betg la vaira raschun. Las relaziuns tranter ils dus alliads, ils Stadis Unids e la Tirchia, èn tendidas e vegnan vi e pli tendidas. Dad ina vart pervi da la guerra en Siria, da l’autra pervi da la situaziun dals dretgs umans en Tirchia.

Erdogan è in viadi en ils Stadis Unids per inaugurar ina moschea a Maryland. Quella è vegnida construida cun sustegn finanzial da la Tirchia.

A l’ur da quella inauguraziun vuleva Erdogan inscuntrar il president american ad in inscunter bilateral a Washington. L’administraziun americana ha argumentà la refusa cun il fatg, ch’ils dus presidents eran gia sa scuntrads il november e ch’els avessan telefonà ensemen il favrer.

RR novitads 12:00

srf/afp/ij

Artitgels legì il pli savens

Nach links scrollen Nach rechts scrollen