Siglir tar il cuntegn

Header

cuntegn

Rachetas tar Bagdad Trump smanatscha a Teheran

  • En la basa da l'aviatica militara Al-Balad en l'Irak, nua ch'era schuldads da l'USA èn staziunads, èn almain duas rachetas detunadas.
  • Curt avant èn en la zona da segirezza verda a Bagdad dus projectils detunads. En questa zona sa chatta era l'ambassada dals Stadis Unids.
  • Schuldads na sajan betg vegnids blessads. Dentant saja pussaivel ch'i haja dà unfrendas civilas.

Las rachetas sajan detunadas en vischinanza da duas basas militaras en l'Irac. La coaliziun internaziunala cunter la milissa terroristica Stadi Islamic ha confermà quai. Las truppas dals Stadis Unids sajan en prontezza d'alarm. Helicopters circuleschan sur il center da basa.

plan da Bagdad
Legenda: SRF / © OpenStreetMap contributors

Trump smanatscha a Teheran

Suenter ch'ils Stadis Unids han mazzà in aut general da l'Iran ha il president american avertì il pajais da prender vendetga. Per cas che l'Iran attatgia burgais u indrizs americans dettia ina glista cun 52 miras iranaisas impurtantas, che vegnissan lura attatgadas. Quai ha Donald Trump communitgà via Twitter.

52 è ina cifra simbolica. Trump sa referescha cleramain ad in eveniment istoric dal 1979. Lura avevan students iranais occupà l'ambassada americana a Teheran e fatg ostagi 52 persunas americanas. Quel rapinament d'ostagis ha cuzzà 444 dis. Lura han ils Stadis Unids interrut las relaziuns diplomaticas cun l'Iran.

RTR novitads 21:00+