La rait sociala per glieud da professiun «Xing» ha registrà l'onn passà 750'000 commembers en Svizra. Quai in augment per 14% en cumparegliaziun cun avant in onn, uschia rapporta l'agentura da novitads AWP.
L’interpresa «Xing» cun sedia a Hamburg en Germania, ha pudì augmentar la svieuta l’onn passà per 21% sin 123 milliuns euros. Il gudogn da l’interpresa munta a 17,6 milliuns euros. La gronda part da las entradas da l’interpresa vegn da servetschs supplementars da commembranza tar «Xing», scriva l’interpresa.
