En il nord da Paris hai dà in rapiment d'ostagi en ina butia da moda. Sco quai che medias franzosas rapportan – sa referind sin indicaziuns da la polizia – sajan passa 10 persunas en ils mauns da 2 laders armads.
Il mument n'èsi però anc betg cler sch'ils delinquents sa chattan anc adina en il center da cumpra u sche quels èn entant en fugia.
Truppas spezialisadas da la polizia hajan entant mess en segirezza 18 emploiads. Quai rapporta l'agentura da novitads franzosa AFP. Blessads n'haja quai dà nagins.
