Siglir tar il cuntegn
Inhalt

Exteriur Rapinament d'ostagis a Cologna a fin

A la staziun principala da la citad tudestga hai dà in rapinament d'ostagis en in'apoteca. Tenor indicaziuns uffizialas è la situaziun sut controlla. Il rapinader saja vegnì neutralisà.

Forzas d'intervenziun.
Legenda: Forzas d'intervenziun a la staziun principala da Cologna. Keystone
  • En in'apoteca a la staziun principala da Cologna hai dà in rapiment d'ostagis.
  • Entant ha la polizia mess a ferm il rapinader che saja vegnì blessà grevamain.
  • Ina dunna saja vegnida blessada levamain.
  • La staziun è serrada dal tuttafatg. Il traffic da trens è impedì.

En in'apoteca a la staziun principala da Cologna hai dà in rapinament d'ostagis. In um haja fatg ostagi ina dunna. Quai ha communitgà la polizia tudestga. En'in'acziun gronda haja la polizia pudì liberar la dunna lev blessada. Il rapinader saja vegnì blessà grevamain tar l'acziun da la polizia. Davart l'identitad u ils motivs dal rapinader na datti anc naginas indicaziuns.

Impediments dal traffic da trens

La «Deutsche Bahn» ha communitgà che trens da pliras lingias sajan vegnids fermads. I vegnia a dar retards e trens vegnian a crudar ora.

RR novitads 15:00