Siglir tar il cuntegn

Header

cuntegn

Exteriur Raschun per crudada dad Air Asia en Indonesia enconuschenta

In computer donnegià e sbagls dals pilots èn stads la culpa ch'igl Airbus A320 cun 162 persunas a bord è crudà giu avant bun in onn sin ses viadi da Surabaya e Singapur.

Uss èsi enconuschent, pertge che l'aviun da l'Air Asia è crudà giu en l'Indonesia la fin da december 2014. La raschun è ch'in computer a bord n'ha betg pli funcziunà en urden. In sbagl en il computer haja deactivà igl autopilot. Silsuenter hajan ils pilots reagì fallà sin ils sbagls dal computer. A questa conclusiun vegnan ils investigaders en lur rapport ch'els han preschentà a Jakarta, la chapitala da l'Indonesia.

La maschina era da viadi da Surabaya vers Singapur. Tut las 162 persunas a bord èn mortas da la disgrazia. Il pilot aveva annunzià urizis ed en consequenza dumandà dastgar midar l'autezza da sgular. Il contact è silsuenter rut giu. Pir 5 dis pli tard han ins chattà il vrac sin il fund da la mar tranter l'Indonesia e Singapur.

RR novitads 12:00

Artitgels legids il pli savens