Siglir tar il cuntegn

Header

raul castro cun papa francestg
Legenda: Papa Francestg ed il president da la Cuba Raul Castro han discurrì circa in'ura ensemen. Keystone
cuntegn

Exteriur Raul Castro visita papa Francestg

Il schef da stadi da la Cuba, Raul Castro ha visità per l'emprima giada il Vatican. Quest avantmezdi è el stà envidà ad in'audienza privata tar Papa Francestg. L'inscunter dad in’ura haja gì caracter privat e na saja betg stà ina visita statala uffiziala.

Castro haja engrazià al papa per ses engaschi en connex cun l’avischinaziun tranter la Cuba ed ils Stadis Unids. Papa Francestg aveva giugà ina rolla impurtanta sco intermediatur. Quai tenor l’agentura da novitads ANSA. Suenter l’inscunter eran planisads discurs tranter Castro ed il schef da regenza talian, Matteo Renzi.

Il settember che vegn, avant ses viadi en ils Stadis Unids, vul il papa visitar la Cuba. Là vegn sia visita spetgada cun tensiun. Igl è pir la terza giada ch’in papa visita il stadi caribic.

RR novitads 12:00

Artitgels legids il pli savens

Scrollar a sanestra Scrollar a dretga