Siglir tar il cuntegn

Header

Schuldads sirians van cun la bandiera siriana vers la citad da Palmyra
Legenda: Schuldads sirians van cun la bandiera siriana tras la citad da Palmyra Keystone
cuntegn

Exteriur Reconquistà Palmyra

Diesch mais suenter che la gruppa da terror Stadi Islamic aveva occupà la citad istorica Palmyra è quella puspè en ils mauns da l'armada siriana. Quai rapporta l'armada sezza.

In pledader da l'armada ha ditg envers l'agentura da novitads AFP ch'i haja dà grevs cumbats la notg passada. Cun agid ord l'aria da l'aviatica russa haja l'armada pudì reconquistar l'entira citad ed il bain cultural mundial da l'UNESCO. Là aveva la gruppa terroristica destruì numerus bains culturals da l'antica. L'offensiva da l'armada siriana e l'aviatica militara russa aveva cumenzà avant duas emnas.

UNESCO vul inspectar bains culturals

Suenter che l’armada siriana ha reconquistà la citad da Palmyra vul uss l’UNESCO inspectar ils donns da la guerra vid ils bains istorics antics, e quai, uschè spert sco pussibel. L’organisaziun da las Naziuns Unidas vegn a visitar Palmyra ils 4 d’avrigl, ha ditg ina represchentanta da l’Unesco. La cumissiun vegnia era a ponderar da reconstruir tscherts monuments, ma l’emprim basegnan els ina survista da tut ils donns. Per part sajan era vegnidas messas minas en ils bains culturals, ha la represchentanta da l’Unesco ditg al radio.

RR novitads 9:00

sda/sc

Artitgels legì il pli savens

Nach links scrollen Nach rechts scrollen