Exteriur - Record da visitaders a l’exposiziun d’aviuns a Paris
Cun 351'000 visitaders ha la pli gronda exposiziun d'aviuns a Le Bourget sper Paris dumbrà in nov record. Avant dus onns han ils organisaturs registrà 315'000 visitadras e visitaders.
A l'exposiziun è vegnì preschentà ina nova generaziun d'eroplans che duain esser pli levs, pli da bass e pli ecologics.
Ils concerns da sgol han prendì encunter empustaziuns per 130 milliardas dollars, quai èn radund 20 milliardas pli pauc ch'avant dus onns. Il concern europeic Airbus ha survegnì 421 empustaziuns per aviuns, ses concurrent Boeing ha survegnì 331 empustaziuns.
