Serps da tissi èn in privel per bunamain 6 milliardas carstgauns sin l'entir mund. Mintga di moran radund 7'400 persunas tras morsas da serps da tissi, quai èn 2,7 milliuns durant in onn. Il tissi na po betg mo far dolurs, mabain era laschar enavos donns permanents, avertescha l'organisaziun mundiala da sanadad WHO.
Strategia duai gidar reducir mortoris
Fin 138'000 persunas moran entras quai e 400'000 umans han donns permanents sco tschorvadad, amputaziuns u disturbis da grevezza posttraumatics. La WHO ha uss elavurà ina strategia che duai reducir fin il 2030 il dumber da mortoris per la mesadad. En emprima lingia duain ils umans che vivan en regiuns periclitadas vegnir infurmadas meglier.
RR novitads 12:00